Ek Accha Virtual Assistant kaise khoje : Sahaayak Khojne ke best tarike ~ wiki hindi

Ek Accha Virtual Assistant kaise khoje : Sahaayak Khojne ke best tarike

Ek acche virtual assistant ke sath kaam karne ke bahut se fayde hai. Ek virtual assistant Aapke kam me aapko apni raay deta hai aur Aapki kaam me sahaayata karta hain. Ek virtual assistant Aapke website ko Manage karta hain, Aapke e-mail ka kaam karta hain aur jo Aapki important files hai unhe maintain karta hain. Isliye,  har businessman ko kaam karne ke wakt virtual assistant ki jarurat hoti hain. Agar Aapko bhi ek virtual assistant ki jarurat hai to use khojne ke best tarike ham Aapke liye is article me laaye hai.


 Ek Accha Virtual Assistant kaise khoje : Sahaayak Khojne ke best tarike

1] outsourcing companiyon ka upyog kare

Outsourcing company yaani aisi companiyaan jo alag alag job ke liye employers ko rent par leti hain. Outsourcing companiyon se virtual assistant khojne ke fayde aur nuksaan hain. Outsourcing companiyon se VA hire krne ka nuksaan yah hai ki ise hire karna expensive ho sakta hain. Kyonki yah companiyaan jis VA ko rent par leti hai wah uske profit ka hissa leti hain. Aur Aap us virtual assistant ke sath bond nahi kar sakte hain jise outsourcing companiyon dwaara hire kiya hain chahe wo Aapke company ka hissa kyon na bana ho. Lekin outsourcing companiyon se virtual assistant khojne ka fayda yah hai ki Unke paas aise kai virtual assistant hote hain. Isliye,  agar Aap kisi VA se santusht nahi ho to Aap dusre ki demand kar sakte hain.

2] freelance website ka upyog kare

Haal hi ke economic downturn ki vajah se bahut se logon ne freelance business start kiya hain. Wah freelance.com ya fiverr jaisi website par apani post karte hain. In website par virtual assistant ke resume ka database hota hai jaha Aapko alag alag Skill wale VA dekhne ko milenge. Isliye, Aap kisi acche virtual assistant ko hire karne ke liye freelance website ka upyog kare.


3] job posting website ka upyog karein

Aap job posting websiton ka upyog karke bhi ek accha virtual assistant khoj sakte hain. Aisi bahut si job posting websites hai jo globally famous hai aur Accha kaam kar rahi hain. Inme LinkedIn Sabse famous hain. Kai websites hai jo bharat me apana kaam kar rahi hai. Yah website aapko virtual assistant ki profile bhejte hain aur inke paas customer care ki service bhi hoti hain jo Aapki madat karti hain. Jab ek bar aap apani requirements unko dete hai to wah Aapke requirement ke hisab se aapko VA ki resume provide karti hain.

4] job posting banaye

Jab Aap job posting website se VA hire karne me settle ho jate hai tab Aapko ek specific job description banane ki jarurat hoti hain. Yah Aasan kaam hai aur Aapke liye jaruri bhi hain. Jitna clear aap job description likhte hai utnahi clear aur anubhavi Aapko virtual assistant  mil sakta hain. Isliye,  Jitna ho sake utna specific rahe. Un sabhi baaton ko likhe jinki Aapko Avshyakta hain aur job ke budget ko likhna na bhule. Upar di gayi website par account banane ke baad Apna job description post karein. Aap payment per hour ke base par ya per month ke base par bhi de sakte hain. Dono ke liye upyukt mulya nirdhaarit karne ke liye VA ke sath batchit bhi karni chahiye.

5] social media ka upyog kare

Social media ka upyog Aap apne virtual assistant ko khojne ke liye kar sakte hain.  Agar Aapke paas samay hai to Aap VA ke liye apane social page par post kar sakte hain. Bahut se log twitter, instagram, facebook in jaisi social media websiton par VA khojne me safal huye hain. Bas Aapko ek post banani hai Aur aisi announcement karni hai ki Aapke company ke liye VA ki Avshyakta hain. Aap yakinan VA khojne me safal honge.

6] VA recruiting services se contact kare

Aaj ke technology world me VA khojne ke bahut se  best tarike hain. In tariko me VA recruitment service se contact karna sabse behtareen tarika hai.  Aap kisi acchi VA recruitment service se contact kare aur apani requirements waha fulfill karein. Jab aap ek baar apani requirements unko de dete hai tab wah Aapko Aapke jarurat ke hisab se VA ki profile provide karenge. Ek baar Aapke paas unki profile aane ke baad Aap unhe select karne ke liye unka resume dekh sakte hai ya Unka interview le sakte ho. VA Aapke kaam ka bahut hi mahatvapurn hissa hota hai isliye savdhani se VA chune aur galat logo ko chunne se bachne ke liye kisi specialist ki salah le aur apana best virtual assistant chune.

Read Also : franchise kaise start karein

 Read also : Pinterest se paise kaise kamaaye

Read Also : customer se Feedback kaise le 

7] kuch jaruri baaton ko dhyan me rakhein

1]  jab Aapke paas resume aate hai tab kai resume dekhe har resume ko acche se jaache. Aap job posting websiton par har applicants ka review dekh sakte hain. Isse Aapko unka record dikhega aur inke prati customer ka experience kaisa tha is baare me pata chalega. Jab Aapko ek best applicant mil jaata hai to Uska interview le aur uske sath apani pariyojna start karein.

2] jitna experience VA ko hoga utnahi jyada rate Aapko us VA ke liye chukana padega. Isliye,  agar Aap ek aisa VA chahte hai jiske paas quality hai to adhik payment karne ke liye taiyar rahe.

3] VA ke sath Uske kaam ke baare me charcha karein. Jab wah Aapke sath acchi Relationship establish karne ki koshish karta hai, tab Samjh jayiye ki Aapne ek sahi VA ko chuna hain.

4] agar Aapka VA Aapse dur hai to Aap uske sath video calling karein. Isse aap Uske vyaktitva ko acche se samjh sakte hain. Aap video chatting ke liye whats app ka upyog bhi kar sakte hain.

Isi tarah Aap ek VA khoj sakte hai. agar Aapko yah article pasand aaya hai to ise aap jyada se jyada share karein. Aur agar Aapke man me koi sawal hai to comment section me jarur puchhe ham Aapka javab dene ki puri koshish karenge.
Previous
Next Post »
Thanks for your comment