Seller ka kaam kaise hota hai [ Seller working information in hindi ] ~ wiki hindi
Sylvester stallone powerful motivational story hindi https://youtu.be/eCsc0koF3wA

Seller ka kaam kaise hota hai [ Seller working information in hindi ]

Seller yah duniya ke sabse purane profession me se ek hain aur ise bahut se logo ne apna pesha bana diya hain. Selling ke liye bahut si baato ka upyog hota hain jisme advertisement aur delivery van bhi shaamil hain. Cheejo ko bechne ke liye har seller ko experience ki jarurat hoti hai kyonki bina anubhav ke koi bhi seller apna kaam acchi tarah se nahi kar sakta.

Professional seller ke upar hi companiyaan chalti hai aur iske bina income hona impossible hain. Selling profession har vyakti ke liye reserve nahi hota. Isliye, har vyakti ek accha seller nahi ban sakta. Kyonki accha seller banne ke liye vyakti me bahut si quality honi chahiye jo har kisi me nahi hoti. Ek accha seller jisme sabhi prakaar kisi qualities hai wah  kisi bhi company ki selling badhane me sabse mahatvapurn bhumika nibhata hai.



Seller ka kaam kaise hota hai [ Seller working information in hindi ]


Sale person aur sales

Selling ki duniya me internal sale person aur external sale person hote hain. Internal sale person prarambhik kaam represent karta hai wah saleman field ko support karta hain. Internal sale person conversations karta hai aur telephone ke madhyam se bhi contact karta hain. Ek external sale person companiyon ka daura karta hai aur unke sath deal karta hain. Yah puraane jamane ke pratinidhi ki tarah kaam karta hai aur grahko ke upar apana lakshya kendrit karta hain.Sale representative ke paas reliable image honi chahiye. Kyonki,  agar sale representative ki image acchi nahi hogi to grahak uspar bharosa nahi karega aur uske jariye cheeje nahi kharidega.

Seller ka kaam

Ek seller ko vibhinn activities karni chahiye. Sale person aur sale manager ko plan banane chahiye aur unpar apana kaam karna chahiye. Market analyse ke Aadhar par best sale opportunities nirdhaarit karni chahiye. Uske baad grahko ke sath contact karna chahiye. Selling ka kaam karte samay seller ke liye bolne se jyada sunna bhi mahatvapurn hai jisse wah customer ke bare me jyada se jyada jaan sakta hai.

Selling ke baad ka kaam

Selling ke baad ka kaam bhi sabse mahatvapurn hain yah kam office employees ke dwaara kiya jaata hain iske baad administrative processing hoti hain. Isme chalan bhejna aur payment sansadhit karna shaamil hain. Iske baad customer ke sath acchi Relationship banana jaruri hain. Naye grahko ko aakarshit karne ki tulna me puraane grahko ko banaye rakhna kam kharchila hota hain. Grahko ko banaye rakhne ke liye aur unke sath acchi Relationship banaye rakhne ke liye customer satisfaction bahut hi important hain.



Sale person ko di jaane wali training

Seller ke profession ke liye economic course sabse best hain. Yah ek collage education hai jise kai colleges ne follow kiya hain. Seller profession me aane waale logo ke liye marketing feild me MBA karna bhi mahatvapurn hai jisme seller selling ke baare me bahut si jaruri baate sikhte hain. Sale person ke liye bahut si industries training provide karti hai jisme sale person apana gyan grahan karta hain.

Seller ki salary


Seller ki salary fix nahi hoti Aur alag alag seller alag alag salary kamate hain.  Seller ki salary uski selling ke upar nirbhar hai isliye, kuch seller hajaron me to kuch seller lakho me salary kama lete hain. Ek sale person ka uske experience aur kaam ke adhaar par promotion hota hai. Ek sale person jo accha kaam karta hai wah sale manager,  regional manager aur commercial manager ke rup me grow hota hain.

Doston,  isi tarh selling ka kaam hota hai. Agar aapka is article ke related koi sawal hai to comments section me jarur puche aur agar Aapko yah article Accha laga hai to ise share jarur kare. Dhanyavaad
Previous
Next Post »
Thanks for your comment