Selling Kya hai [ What is selling in hindi ] ~ wiki hindi
Sylvester stallone powerful motivational story hindi https://youtu.be/eCsc0koF3wA

Selling Kya hai [ What is selling in hindi ]

Marketing me selling Sabse important factor hai aur bina selling ke koi bhi business aage badh nahi sakta aur market me apani jagah bana nahi sakta. Har marketers ko daily selling ki taraf jyada se jyada dhyan dena chahiye aur vibhinn situation me selling ke prati anukul hona chahiye. Kisi bhi cheej ko bechne se pahle marketers ko us cheej ke bare me janna chahiye  aur logo ko us cheej ki jarurat hai ya nahi yah baat janne ke liye market ka vishleshan karna chahiye.



 Selling Kya hai [ What is selling in hindi ]

Selling yah ek Process hai jisme vikreta aur grahak sakriya rup se bhag lete hain. Vikreta Unki cheejo ke bare me grahko ko batate hai aur unhe kharidne ke liye prabhaavit karte hain. Is Process me dono parties apani jarurato ko pura karne ki koshish karte hain. Seller kis tarah ki service provide karta hai yah har customer ki prathamikata hoti hain. Aaj ke duniya me selling yah bahut se logo ka profession ban gaya hain. Grahko ko thik se handle karne ke liye seller customer ka aakalan karte hai aur unhe sahi tarike se respond dete hain.


Buying process kya hain

Kisi bhi product ko kharidne se pahle Bahut si process dimag se gujrati rahti hain. In process ko buying process kahte hain. Jab Grahak kisi bhi cheej ko kharidne ke baad ghar jaata hai tab chaar alag alag charan hote hain jinke bare me ham  niche janege.

Buying process ke 4 charan

1] motivation

2] orientation

3] sales conversations

4] customer satisfaction

1] motivation

Yah buying process ka pahala aur sabse mahatvapurn charan hain. Isme seller customer ko product ko kharidne ke liye motivate karta hai aur grahak product me apani jarurat dhundhta hain. Motivation process successfully hone ke baad hi customer product ko kharidne ke bare me apana decision leta hain.

2] orientation

Is charan ke dauraan grahak dekhta hai ki product ko yaha se kharidna chahiye ya dusri kisi jagah se kharidna chahiye. Is charan me consumer ko store ke liye final preference mil jati hain. Is process me grahak ko apane hi store me rakhne ke liye Price,  staff, service yah points bahut hi jaruri hain.

3] Sale conversations

Is charan me grahko aur seller ke bich baatchit hoti hain. Product ko kharidne ke liye motivate karne ke liye baatchit prabhavi tarike se honi chahiye. Agar seller customer ke sath acchi tarike se baatchit karta hai to hi customer us product ko kharidne ke bare me sochta hain. Sale conversations ko vibhinn charno me vibhajit kiya jaata hai taaki seller ke liye customer ke sath baatchit karne me aasaani ho.

Read also : apane business ko kaise badhaye

Read Also : restaurants kaise khole

Read also : food delivery service kaise chalaye  

4] closing

Agar vikreta in charno ko pura karne ke liye acchi bhumika nibhata hai to apne product ki selling kar sakta hain. Iske sath sath vikretaon ko acche quality ke product rakhne chahiye,  grahko ko acchi service provide karni chahiye aur customer ko satisfaction dena chahiye taaki customer apse product kharidne ke baad khush ho sake aur bhavishya me aapke store se hi product ko kharidne ka faisla kar sake.

Ek customer jo aapse product ko kharidne ke baad satisfied huva hai wah  aapke store ki advertising karta hain,  wah aapke liye naye naye grahko ko laata hai,  wah logo ke sath aapke service ke baare me sakaratmak baate karta hain aur wah aapke store me product ko kharidne ke liye baar baar aata hain.

Doston yah thi selling ke baare me jaruri baatein.  Agar aapka is article ke related koi sawal hai to comment section me jarur puche.  Agar aapko yah article pasand aaya hai to share karna n bhule thank You.
Previous
Next Post »
Thanks for your comment